Ek Anokhi Takraar

Aaj ek arse baad do doston se mulaaqaat hui ;
Milte hi mujhse unke gilon ki shuruaat hui.
Ek bola "yeh janaab toh humko bhool hi gaye hain :| ";
Dusre ne kaha  ki "mil gae inhein yaar nae hain" .
Samajh aa rahaa thaa ki dono thode naaraaz hain ;
Khatak rahe inhein mere haal ke kaaj hain.
Bahut manaaya maine par nateeja kuchh na aaya;
Na sunane ko the taiyar woh, Jo kuchh maine samjhaaya.
Badhte badhte baat itni badh gayi,
Ki dono ne mujhse yeh baat kahi,
"Hum unke khilaaf toh nahin";
"Bas itnaa yaad rakhna , ki hum saa sukoon na milega aur kahin".
Baat unki sahi hi thi,yeh meri samajh mein aaya ;
Jab inse aaj dobaara mil paaya.

Inse milke, mere saathi khub muskuruange,
Aur baaki bhi shaayad thahaake lagaaenge.

Woh naya dost, woh jis par yeh daastaan pradarshit ho rahi hai.
And mere naaraz do yaar woh kaagaz kalam jinse isse pehle yeh katha likhi gai hai.

Read More

Samajh ka khel

Maa hai hamaari, bahut pyaar humse karti hai,
Shaayad isiliye itni dayaa hum par karti hai.
Sadiyon se hamaare sitam rahi sehti,
Par mamtaa ke maare, thi kuchh na kehti.
Lage hum uski jagah hadapne, toh thoda sikud gayi;
Hamaari maang ke aage , woh khud hi mud gayi.
Par hum thehre laalach ke maare,Aur jagah chaahte rahe;
Aur andekha kar maa ko, ghar apne banaate rahe.

Zameen tak toh thik, humne jal bhi na chhoda,
Samundra ki gehraaion tak ko humne jhinjoda.
Aisa karne se takleef toh use bahut hui hogi;
Par maa hai aakhir, phir woh majboor hui hogi.
Hamaari harkaton par maun usne dhar lia;
Majbooran apne niyamon ko badal dia.

Hum is chuppi ko, kamzori maan baithe;
Aur use muft ki tijori maan baithe .
Aur badhte rahe raah par "vikaas" ki;
Ya yun kahun ke khud hi ke vinaash ki.

Jab sabr uska ab tootne laga,
Jab had se zyaada use koi lootne laga;
Toh use bhi maidaan mein aana pada,
Kamzor na hoon, yeh jataana pada;
Abhi toh bas uski taakat ka ek namoona hai,
Na sudhre hum, toh pataa nahin kya hona hai;

Ab bhi dayavash woh humein samjha rahi hai,
Nateeje dikha manmaani ke, daraa rahi hai.
Taaki waqt rehte hum sudhar sakein,
Aur bhayaanak tabaahi se bach sakein.
Keh rahi hai, ki samajh jao ki,
Betaa maa se bada , kabhi hota nahi .

Read More

Sifar Se Shikhar Tak

Sifar par toh nahin thi zindagi,
Par shikhar se bhi kaafi door thi;
Mohtaaj toh nahin kisi ki,
bas thodi si majboor thi.
Ek meri hi nahin, shaayad
Sabki yahi kahaani hai;
Har ek ke jeevan me aakhir,
Koi na koi pareshaani hai.
Par fir bhi har koi aagey badhna chaahta hai,
Jeevan me kuch aisaa karna chaahta hai.
Jo use sabse sukhi banaa de,
Jo shikhar tak use pahunchaa de.
Maine bhi thaana tha ki khud ko upar uthaana hai,
Aur kabhi na kabhi voh sarvoccha shikhar paana hai.
Pehli duvidhaa thi ki use kaise pehchaanunga?
Manzil aa gayi hai, yeh aakhir kaise jaanunga?
Poochha jab gurujanon se toh unhone kaha ki,
"Sacche shikhar ka prateek hai alaukik shaanti. "
"Jahaan pahunchkar aur kuchh paane ko na reh jaae"
"Wahaan pahuchkar samajhna ki shikhar par ho tum aae".
Ab main raaste ki talaash me bhatakne laga,
Aur jab yeh safar shuru hone, se pehle hi atakne laga.
Toh is jag ne kai raaste mujhe sujhaaye,
Ek ek karke, woh sabhi maine apnaaye.
Par jab safalta na mili toh laga,
Kuchh toh gadbad yaar hai.
Mehnat bhi hai , lagan bhi, phir shaayad raaste bekar hain !



Ehsaas hua ki jinhe ab tak maana mukaam ,
woh toh rinaatmak sankhyaaein thi.
vaastav mein toh zindagi meri ab sifar par aayi thi.

Raasta sahi dhoondhne ko fir main chalne laga,
Ek aakhri koshish ab karne lagaa.
Kai raaston mein maine manzil ko talaasha,
Par haath aati thi toh keval niraasha.

 Achaanak phir na jaane kisne , aisaa chamatkaar kia,
Ki pal bhar mein hi mujhe shikhar par laa dia.

Kyaa hua tha yeh bataana shabdon ke bas mein nahin,
Lag raha tha ki paane ko ab kuchh bhi aur nahin....
Ab sochaa ki kyaa hua, toh bas itnaa samajh paaya ki.
Ki jo bhi tha woh chhupa tha mujh hi mein kahin !

Read More

Ek haqeeqat

Sunaa tha ki jannat hai ye duniya,
Par ab shaayad ajeeb ho gayi hai.
Kya shuru se hi aisi hi thi yeh?
Ya ab alag iski taseer ho gayi hai?
Insaan hi insaan ko maarne par amaada hai,
Jaan ka yahan mol kam, paise ka zyaada hai.

Kyun hai yeh aisa, theek se toh pataa nahi,
Par lagtaa hai ki aaj maanav bhul gaya yeh ki;
Saara sansaar hi asal mein ek parivaar hai.
Use bas apne ek kutumb se pyaar hai.

Bas kehne ko nahi,
Vigyaan ka pramaan hai.
Vasudhaiva kutumbakam hi saccha gyaan hai.
Hum sabhi santaanein hain us pehle maanav ki,
Srishti ke aarambh mein hui jiski rachnaa thi,
Shaastra "manu" aur bible "adam" ke naam se gaate hain,
Hum sab unhi ke vansh se toh aate hain !
Jis din yeh samajh jaaenge hum,
Duniya se dukh ho jaaega khatam.
Kyunki kisi ka bhi dukh sabko dukhi karega,
Har koi apne parivaar ka jo lagega.

Read More

Bekaar mein Badnaam

Is zamaane, ne sikhaaya ki mohobbat gham hi deti h
Kai sitamon se tadpakar jaan aashiq ki leti h,
Mohobbat aisi hoti h, sochkar hum darne lage,
Aur tabhi se bachne ki isse koshishein karne lage.
Par shaayad bhagya ko kuch aur manzoor,
Chhaya hum par bhi ab ishq ka suroor tha.
Mohobbat ko ab samajhna Jo shuru kia,
Toh dil mera thahake lagaakar has dia,
Ki aaj tak is adbhut ahsaas se m anjaana tha
Aur kitna badnaseeb yeh bechara zamaana tha,
Jo is paak ehsaas ko jaan na paaya,
Aur bematlab ka yeh bawaal machaaya,
Arreh len den toh sauda vyaapaar hota h,
Aur jahaan sauda aa jaaye woh fir kahaan pyaar hota h,
Asal mohobbat toh woh hai ae yaar mere,
Jahaan nhi chalte yeh Len den ke phere,
Mohobbat naam h na khone kaa naa paane kaa,
Yeh toh bas naam h do se ek ho jaane ka...

Read More

Anpadh hu...agyaani nahi...

Chahta main bhi bahut tha ki koi mujhe padhaaye,
Padh likhkar kuch ban ne ke sapne bhi the sajaaye,
Par is sab me ghar ke haalaat aadhe aaaye
Sabko laga ki waqt aa gaya ki ab yeh bhi kuch kamaaye.

Jab tum sab school college jaate the
Hum yahaan par tumhaare ghar banaate the
Haan sach h ki maine nahi ki padhaai
Par fir bhi kabhi Rone ki naubat nahi aayi,

Tajurbe ne hisaab wagerah sikhaa dia itna,
Ki kabhi bhi humein na pada jhukna,
Tajurba woh guru h , Jo sab sikhaata h
Aur ant me har jagah yahi kaam aata h!

Tumhaari gadhna toh kuch kam kuch zyaada hai
Usse sateek toh shaayad apna andaaza h,
Jitni der me tumhaari chalti h calculation
Hum log kar dete utne m hi implementation
Tumhaare formulae to fir bhi assumption rakhte h
Par hum in sab ko saath lekar chalte h.

Main yeh nahi kehta ki padhaai bekaar h,
Bas chahta hu badalna Jo yeh vyavahaar h
Tumhara gyaan kitaabi, toh maine tajurbe se seekha h
Gyaan ko paane ka mera yahi tareeka h.

Bina kisi thos bhaasha ke main dincharya chalaata hu
Kuch nahi jaanta isliye shaayad har jagah dhal jaata hu
Aaj mujhe gham nahi ki main kitaabein nahi padha.
Kyunki bina kitaabi gyaan ke jab paristhitiyon se main lada
Toh bahut kuch aisa seekha Jo kitaab mein nahi milta
Padhta toh shaayad yeh anubhav nahi milta!!

Read More

A point to ponder

One day at a family function,
A relative of great reputation,
Asked for my introduction.
Well, he was an aged person,
So I thought, he might have forgotten!

I told him my name and cited my patriarchy,
Hoping not to have erred in the details of the hierarchy.
He did not seem happy on my answer,
And i thought i had definitely made a blunder;
And just then he replied,
That was just your name child !
I already knew all that information,
I had asked you for an introduction!

Confused, i said that i am a student .
To him this seemed to be an invalid argument .
He commanded "Its your profession".
"And not your introduction"!

I began thinking "Is he sane?"
And asked him to explain .

He then stated his conclusion,
He said that an introduction,
Isnt by name and profession,
Instead it is by identity
And it is really a state of pity,
That even the highly educated person,
Is incapable of giving his own "introduction"...

Read More